ფრანგი ფორვარდი "ლა ლიგაში" გუნდის ძირითად შემადგენლობაში 20-ჯერ გამოვიდა და ასევე 13 შემთხვევაში თამაშში სათადარიგოთა სკამიდან ჩაერთო. მან ესპანეთის ჩემპიონატში 15 გოლის გატანა მოახერხა. "ჩემპიონთა ლიგაში" გუნდის ძირითადში ბენზემა 8-ჯერ გამოვიდა და 6 გოლი გაიტანა. მაგრამ გატანილი გოლების გარდა, ამ სეზონში ბენზემა ხშირად ბრუნდება თავის მოედნის ნახევარზე და აქტიურად იღებდა მონაწილეობას მოწინააღმდეგე გუნდისთვის ბურთის წასართმევად. მისგან სწორედ ეს სურდა ჟოზე მოურინიოს და მან დაინახა ფრანგი ფეხბურთელის პროგრესი. ახლახანს სამეფო კლუბის მთავარი მწვრთნელი კარიმს ელაპარაკა, მისი გუნდში დარჩენის თაობაზე.
სწორედ მოურინიომ აიძულა ფეხბურთელი ამგვარად ეთამაშა. საბოლოოდ მწვრთნელის პროგრესმა იმოქმედა მოთამაშეზე, მაგრამ ამ პროცესში დიდი წვლილი მადრიდის "რეალის" მწვრთნელის მთავარ დამხმარეს, ზინედინ ზიდანსაც მიუძღვის, რომელმაც არაერთხელ განაცხადა, რომ ბენზემა მსოფლიოს დონის მოთამაშეა და ადრე თუ გვიან, ის ყველას ყველაფერს დაუმტკიცებდა.
იგუაინის ტრავმა კარიმს დაეხმარა თავი უფრო თავდაჯერებულად ეგრძნო, ხოლო კლუბში ემანუელ ადებაიორის გადმოსვლის შემდეგ, ფრანგმა უფრო აგრესიულად დაიწყო თამაში და გატანილ გოლებსაც უფრო მოუხშირა.
ამჟამად მისით დაინტერესებულნი არიან ისეთი კლუბები, როგორებიცაა "მანჩესტერ იუნაიტედი"," მილანი", "ინტერი", "იუვენტუსი" და "არსენალი", მაგრამ უკვე შეგვიძლია დარწმუნებით იმისა თქმა, რომ ბენზემა არსად არ გადავა და კვლავ "ბლანკოსში" გააგრძელებს თავის კარიერას.
